طريقة انشاء صفحة عامه على الفيس بوك
فى الفيديو دا بشرح كيفية انشاء صفحه عامه على الفيسبوك والربح منها
من خلال الاكونت الشخصي وطريقه عمل كل اعداداتها بالطريقه الصحيحه خطوة بخطوة عن طريق الهاتف
بتدخل لتطبيق الفيسبوك
1 / تضغط على الثلاث شرطات اللى فوق على اليسار
2/ هيظهر امامك كلمه الصفحات تضغط عليها بتفتح نافذه جديدة فيها كلمه انشاء تضغط عليها
3/ اختيار اسم للصفحه ويكون مميز يسهل للاشخاص البحث عنه وممكن بردو تكتب نفس اسم الاكونت الشخصي
4/ تختار الفئه الخاص بمحتوى الصفحه سواء كان محتوى تعليمي او محتوى خاص بالسيارات او خاص بالطبخ بتختار اقرب شىء خاص ليك
5/ كتابة السيرة الذاتيه الخاصه بك وبمحتواك اللى بتقدمه
6/ اختيار الصورة الشخصيه للصفحه وصورة الغلاف وتضغط تم
كدا تكون انشأت الصفحه بالاسم والصورة والغلاف وكتابة السيرة الذاتيه
تفتح الصفحه وتضغط على الثلاث نقاط اللى تحت الصورة هيظهر امامك نافذه اعدادات الصفحه فيها كلمه تعديل وكلمه تعديل زر الاجراء
1/ تضغط على كلمه تعديل علشان تضيف روابط فى الصفحه لو عندك قناة على اليوتيوب او حساب على السوشيل ميديا مثل الانستجرام اوسناب شات او تويتر او جروب على الفيس بوك حابب توجه زوار الصفحه للحسابات دى بتعمل اضافة روابط
وتختار المنصه
وتحط اللينك بتاعها بحيث اللى يدخل صفحتك وحب يتواصل معاك بمجرد الضغط على اللينك يتوجه مباشرة للموقع
لأضافة زر اجراء فى الصفحه
لو حابب اضافه زر ارسال رساله للمسنجر او التواصل معاك على الواتساب او توجيه الزائر لقناتك على اليوتيوب بضغطه واحدة بتعمل تعيل الازرار وتختار مراسله او مشاهدة الان وتحط لينك قناتك
إرسال تعليق